އިސްލާމިކް މިނިސްޓްރީއިން އަތޮޅުތަކުގައި މުޅިން އަލަށް 12 މިސްކިތަކާއި 7 ސުކޫލެއްގައި ނަމާދުގެ ހުޅުވައިފި

ލިޔުނީ: ހުސެއިން ހަބީބު

އިސްލާމިކް މިނިސްޓްރީއިން އަތޮޅުތަކުގައި މުޅިން އަލަށް 12 މިސްކިތަކާއި 7 ސުކޫލެއްގައި ނަމާދުގެ ހުޅުވައިފިއެވެ.

ދިއިސްލާމްއަށް ހަބަރު ލިބިފައިވާގޮތުގައި މިއަދު އަލަށް ހުޅުވި 12 މިސްކިތުގެ ތެރޭގައި އދ އަތޮޅުގައި 3 މިސްކިތް ހުޅުވިއިރު އެއަތޮޅު މާމިގިލީގައިވަނީ 2 މިސްކިތެއް މުޅިން އަލަށް ހުޅުވާފައެވެ. އަދި ލ އަތޮޅުގައި 3 މިސްކިތް ހުޅުވާފައިވާއިރު ގއ. އޮތަޅުގައިވަނީ 2 މިސްކިތް ހުޅުވާފައެވެ. އަދި ރ އަތޯލުގައިވަނީ 2 މިސްކިތް ހުޅުވާފައެވެ. މީގެ އިތުރުން ހއ، ށ، ނ، މ، ތ ގައިވަނީ ކޮންމެ އަތޮޅެއްގައި މިސްކިތެއް ހުޅުވާފައެވެ.

މިއަދު އިސްލާމިކް މިނިސްޓްރީއިންވަނީ އަތޮޅުތަކުގެ 7 ސުކޫލެއްގައި ނަމާދުކުރާނެ ތަންވެސް ހުޅުވާފައެވެ. މުޅިން އަލަށް ސުކޫލުތަކުގައި ނަމާދުކުރެވޭނެ އިންތިޒާމް ހަމަޖައްސަވައިފައިވަނީ ހދ ވައިކަރަދޫ، ށ ފޯކައިދޫ، ކ. ކާށިދޫ، ގއ. ވިލިނގިލި، ގއ. މާމެންދޫ، ގދ. ގައްދޫ އަދި ސ. ހިތަދޫގެ ސުކޫލުތަކުގައިކަމަށް ހަބަރުލިބެއެވެ.

ދަޢުލަތުގެ މީޑިޔާއިންވަނީ މިނިވަން ދުވަހާއި ދިމާކޮށް ސަރުކާރުން މުޅިން އަލައް އިމާރާތްތަކާއި މަޝްރޫޢުތައް އިފްތިތާޙް ކުރި ޚަބަރު ގެނެސްދީފައެވެ. ނަމަވެސް މިއަދު އިސްލާމިކް މިނިސްޓްރީއިން މުޅިން އަލަށް ހުޅުވި 12 މިސްކިތާއި 7 ސުކޫލެއްގައި ހުޅުވި ނަމާދުކުރާ ރޫމްތައް ހުޅުވި ޚަބަރު ގެނެސްދީފައިނުވާކަން ފާހަގަކޮށްލެވެއެވެ

http://dhiislam.com/?p=3958

.